ودي اسولف لك واجيبك واوديك *** في بحور فكرٍ ساكناته عيونك
وودي تشوف القلب وش كثر يغليك *** رغم العذاب ورغم كثرة طعونـك
وابيك تسمع روحي اللي تناديـــــك *** أنا حبيبك لا تغرك ظنونـــــــــــك
وانت الحبيب وجايزٍ لي وشاريـــك *** والحب لك والناس في الحب دونك
ودي تصدق نبض قلبٍ شقى فيــــك *** وتكذِب ظنونك تراها تخونــــــــك
تعبت من صدك وهجرك وانا ابيـك *** قل لي متى بالحب تثمر غصونــك
وتعبت من طرد السراب بصحاريك *** قل لي متى تمطر محبه مزونــــك
تبعثرت نفسٍ رجة ضمة ايديـــــــك *** اجمع شتاتي ضمني في جفونــــك
وان جاد لي حظٍ وشفتك باوديــــك *** لبحور فكرٍ وساكناته عيونــــــــك
موضوع: *** اجمع شتاتي ضمني في جفونكـ ***