مســاء يزهـى بـ سموكــم الكـــريم . .
البارحه ياروح روحـي وخنجـر عتابـك حديـد
توميبها وأليـا أسهـجت بيـن الضلـوع أركيتهـا
حكم الغلا خـلاك تطعنـي وأنـا أللـي مستفيـد
فديتك انت . . وكل طعنه من يديـك . . فديتهـا
محبتك تجري بـدمي . . مـن وريـد أليـا وريـد
بيـن الضلـوع العـوج بخشتهـا وقلبـي بيتـهـا
لينـت لـك قلـبٍ لـغيـرك مايلينـه الحـديـد
ولديت لـك عيـنٍ لـغيـرك . . مابعـد لديتهـا
وغنيت فيك النـادرات الشـاردات مـن القصيـد
إللي تثيـر الصمـت بـالجمهـور لامـن غنيتهـا
ونشرتهـا بأشهـر مجـلات القـريـب والبعـيـد
علـى غـلاف المختلـف كـلٍ قـرا مانشيتـهـا
عقدٍ يليق بجيدك اللـي فـارقٍ عـن كـل جيـد
والشفـه أللـي هرجهـا معسـول يخـرب بيتهـا
لاقلت:أريد ! قالت آمر.. قلت: مدري ويش اريـد
قالت: علامـك؟ قلـت: أنـا بغيتهـا وأخطيتهـا
مـره مـن المـرات فـي ليـلٍ نسانيسـه جليـد
هزتنـي الذكـرى وسرتـنـي وأنــا سريتـهـا
مدري بطل .. مدري خبل .. مدري ذكي مدري بليد
ميـر المهـم أن العنـود اليـا دعتـنـي جيتـهـا
وأن شفتها عقب التعـب والليـل والبـرد الشديـد
أقـول . . ياليـت الليـالـي كلـهـا ياليتـهـا
مرت شقاها لـشقـي ولـذة سعدهـا لـالسعيـد
وألذ منها . . " الجمره" اللـي فـي يـدي ضميتهـا
لـ الشـاعرالكــبـير / سلطان بن وسام الهاجري . .
موضوع: !|[ ... خَــنْجَر عتــَـابْكْ حَـــدِيـدْ ... ]|! 
