ببغاء حكيم

موضوع: ببغاء حكيم الأربعاء مايو 13, 2009 4:22 am

ببغاء حكيم

كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..

راعيه ضاق صدره .. وقرر ياخذ الببغاء لمدرب الطيور علشان يعدّله ..

: يا مدرب الطيور ....

شف لك صرفة مع هذا الببغاء ...

كل ما شافني فشلني عند الناس " غبي ، غبي " !

أبيك تدربه زين وتعدّل كلامه ..

علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة ...

وحطه قدامه ... وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ...

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ...

: أنا مين ؟

.. وعلى هالحال .. حتى تربى الببغاء وتسنّع ..

أخيرا .... قال له المدرب ...

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ..

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! ... أنت الذكي ....

إلا أنت أذكى واحد عرفته في حياتي !

قال له راعيه : .. طيّب ..

وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك ..

تسوي فيها اللي تبي ..

قال : طيّب .. إذا دخّلت فلوسي عند " سابك" ؟ !

قال الببغاء : ممتاز .. حركة استثمارية في غاية الذكاء ....

ومن أذكى واحد في العالم ..

: طيّب ... وإذا دخلت فلوسي عند " بنك البلاد" ؟ ..

: طبيعي .. تنويع استثماري ... من أذكى واحد في العالم !

: طيّب ... وإذا دخلت فلوسي عند " الزراعية " ؟ ..

: ذكاء خارق ... وماشي مع الحكمة اللي تقول " لا تحط البيض

في سلة واحدة " ... فعلا أذكى واحد في العالم !

: طيّب ... وإذا دخلت فلوسي عند " الاتصالات" ؟ ..

: عادي ... وزي ما يقولون " حشر مع الناس عيد " ....

صحيح إنك أذكى واحد في العالم ..

: ... طيّب .. وإذا
دعمت نادي النصر؟؟!!

قال الببغاء : يا عمي هاااات الموية ! .....

قايلّك هذا حمار وأغبى واحد في العالم ماصدقتني !

موضوع: رد: ببغاء حكيم الأربعاء مايو 13, 2009 5:02 am

ههههههههههههههههههههههههههههههههههههه
با العكس الببغااااء المفروووض يكون نصراوووووي مو هلالي ونتو الكرامه